Umboðsmaður barna er talsmaður barna og unglinga. Í því felst að umboðsmaðurinn kemur réttinda- og hagsmunamálum barna og unglinga á framfæri við opinbera aðila sem og einkaaðila. Umboðsmaðurinn vinnur almennt að réttinda- og hagsmunamálum barna og unglinga. Hann hefur ekki heimild til að hafa afskipti af vandamálum einstakra barna, en með slík mál fara aðrir, t.d. barnaverndarnefndir. Umboðsmaðurinn, eða starfsmenn hans, leiðbeinir hverjum þeim sem á skrifstofu hans leitar um hvert hægt er að snúa sér til að fá aðstoð við lausn vandamála.
Embætti umboðsmanns barna var sett á fót 1. janúar árið 1995.
Allar helstu upplýsingar um starfsemi embættisins má finna á heimasíðu þess.