Mannréttindaskrifstofa Íslands býður upp á lögfræðiráðgjöf fyrir innflytjendur í skrifstofu sinni á þriðjudögum og fimmtudögum frá 10:00-16:00. Boðið er upp á þjónustu túlks og ráðgjöfin er frí.
Vinsamlegast athugið eftirfarandi atriði:
- Nauðsynlegt er að panta tíma í lögfræðiráðgjöf, það er gert í síma; 552-2720 eða með því að senda tölvupóst á info@humanrights.is
- Mikilvægt er að taka það fram ef aðstoðar túlks er óskað þegar tími er pantaður.
- Tímarnir eru lengst 50 mínútur.
- Aldrei er hægt að fá að hitta lögfræðing með því að mæta á skrifstofuna án þess að vera með tíma bókaðan.
- Ekki er gert ráð fyrir því að pantaður sé tími í lögfræðiráðgjöf með því að mæta á skrifstofuna án þess að eiga tíma bókaðan.
- Athugið að tímar í lögfræðiráðgjöf eru eftirsóttir og að oft getur verið bið í nokkrar vikur eftir tíma.
- Í lögfræðiráðgjöf Mannréttindaskrifstofunnar er einungis veitt aðstoð, ráð og upplýsingar um lögfræðileg mál.
- Mannréttindaskrifstofan getur ekki tekið að sér mál einstaklinga eða komið fram fyrir þeirra hönd sem lögfræðingur eða lögmaður þeirra.
- Til þess að fá úrlausn sinna mála getur reynst nauðsynlegt að fólk leiti sér að lögmanni.
- Mannréttindaskrifstofa Íslands vísar einstaklingum ekki áfram né mælir með ákveðnum lögfræðingum eða lögmönnum, utan þess að benda á sérhæfingu sem þeir gefa sig sjálfir út fyrir.
Til þess að ráðgjöfin nýtist sem best er gott að hafa eftirfarandi atriði í huga:
-
Gott er að mæta með viðeigandi skjöl í málinu á aðgengilegu formi, svo sem útprentuð.
-
Gott er að hafa skýra hugmynd um að hverju þú vilt spyrja og takmarka langar frásagnir svo tíminn nýtist sem best.
-
Mætið tímanlega, sérstaklega ef það þarf aðstoð túlks.
-
Setjið áminningu um dag- og tímasetningu tímans í síma eða skráið í dagbók. Ekki er víst að þið fáið senda áminningu frá skrifstofunni.