Brauðmolar

Upplýsingar um sjóðinn

Uppbyggingarsjóður EES (áður Þróunarsjóður EFTA) var stofnaður af EFTA ríkjunum þrem, Íslandi, Noregi og Lichtenstein, í þeim tilgangi að vinna gegn efnahagslegum og félagslegum mismun í þeim ríkjum sem aðstoðina þiggja.

Eitt af markmiðum með sjóðnum er að efla samvinnu og skapa tengsl milli ríkja Evrópu. Samstarf á milli landa færir öllum aðilum aukna þekkingu og kunnáttu, hvort sem um er að ræða styrkþega eða styrkveitanda. Því er sérstaklega hvatt til þess að samtök í styrkþega ríkinu leiti eftir því að finna sér samstarfsaðila í einu af þrem styrkveitenda ríkjunum.

Styrkir sjóðsins eru settir upp til að ná yfir sjö ára tímabil á hverjum tíma, núverandi tímabil er 2014-2021.

Styrkirnir eru veittir í 15 löndum og tekur skipting heildarstyrks hvers lands mið af stærð ríkisins og fær Pólland til að mynda hæstu upphæðina. Alltaf eru ákveðin þemu sem lögð er áhersla á í heildaráætluninni en einnig er litið til atriða sem sérstaklega er þörf á að bæta í hverju landi fyrir sig.

Nánari upplýsingar um styrkina er á heimasíðu þeirra; http://eeagrants.org/

Umsóknarfrestir næstu mánaða;

19. ágúst 2019 - Póland - Þverfaglegt rannsóknarverkefni

21. ágúst 2019 - Eistland - Samtök sem starfa í almannaþágu v/ átaksverkefna á sviði mannréttinda

28. ágúst 2019 - Slóvakía - Menningarlegt frumkvöðlastarf, menningarafleifð og menningarsamstarf

31. ágúst 2019 - Króatía – Viðskiptaþróun, nýsköpun og lítil og meðalstór fyrirtæki

15. september 2019 - Pólland – Námsstyrkir

30. september 2019 - Portúgal – Viðskiptaþróun, nýsköpun og lítil og meðalstór fyrirtæki

30. september 2019 - Tékkland – Samstarf á verkefnastigi

30. september 2019 - Litháen – Viðskiptaþróun, nýsköpun og lítil og meðalstór fyrirtæki

1. október 2019 - Grikkland - Endurnýtanleg orka, orkunýtni, orkuöryggi - nýsköpun, rannsóknir, menntun og samkeppnishæfni

5. júní 2020 - Rúmenía – Menningarlegt frumkvöðlastarf, menningararfleifð og menningarsamstarf