Í Efnahags-, og félagsmálaráði Sameinuðu þjóðanna (ECOSOC) sitja 54 aðildarríki sem hvert um sig situr í þrjú ár. Ráðið fundar tvisvar á ári.
Ráðið gefur Allsherjarþinginu álit sitt á málefnum er snerta mannréttindi. Ráðið fer einnig yfir skýrslur Mannréttindaráðsins áður en þær eru lagðar inn á borð til Allsherjarþingsins.
Efnahags-, og félagsmálaráðið hefur sett upp fjöldann allan af mikilvægum mannréttindanefndum;
- a) mannréttindanefnd Sameinuðu þjóðanna sem setti á fót undirnefnd um eflingu og virðingu mannréttinda,
- b) nefnd um stöðu kvenna,
- c) nefnd um félagslega þróun,
- d) og nefnd um refsivarnir og agaviðurlög.