Söguboð Amnesty International á Alþjóðadegi flóttafólks 20. júní

Ungliðahreyfing Íslandsdeildar Amnesty International stendur fyrir söguboði á Alþjóðadegi flóttafólks, þriðjudaginn 20. júní. Viðburðurinn fer fram í húsi Máls og menningar á Laugavegi 18 og hefst kl. 17. Söguboð nefnist á ensku „story-sharing café” og snýst um að fagna hinu sammannlega í lífi okkar, óháð uppruna, trú, kyni eða lífsskoðunum. Við hvert borð situr gestgjafi og tekur á móti gestum sem svara öll sömu hversdagslegu spurningunum. Viðburðurinn fer fram á ensku, íslensku og þeim tungumálum sem hægt verður að túlka með óformlegum hætti. Tungumálaskólinn Dósaverksmiðjan er samstarfsaðili að viðburðinum og aðstoðar við túlkun á sex tungumálum utan íslensku og ensku. Við hvetjum alla áhugasama til þess að mæta og taka þátt en nánari upplýsingar má finna á facebook.