Ráðstefna: Ný sókn gegn kynbundnu ofbeldi og heimilisofbeldi

Mannréttindaskrifstofa Íslands vekur athygli á ráðstefnunni: Ný sókn gegn kynbundnu ofbeldi og heimilisofbeldi. Að henni standa Bjarkarhlíð, sem Mannréttindaskrifstofan er aðili að, Dómsmálaráðuneytið, Félags- og vinnumarkaðsráðuneyti, Heilbrigðisráðuneyti, Jafnréttisstofa, Mennta- og starfsþróunarsetur lögreglu, Námsbraut í kynjafræðum við Háskóla Íslands, Ríkislögreglustjóri og Sigurhæðir með stuðningi frá European Family Justice Center Alliance. Henni er ætlað að gefa yfirlit yfir hraða og þýðingarmikla þróun í málaflokknum með það að markmiði að efla stefnumótun, bæta þjónustu og blása til nýrrar sóknar í baráttunni gegn kynbundnu ofbeldi og heimilisofbeldi.

Aðstæður þolenda hafa komið til gagngerrar endurskoðunar víða í samfélaginu undanfarin misseri. Ýmsar greiningar hafa verið framkvæmdar, t.a.m. innan stjórnkerfisins, hjá þjónustuaðilum við þolendur kynbundins ofbeldis og heimilisofbeldis, hjá lögreglu og í fræðasamfélaginu. Áherslan hefur fyrst og fremst verið lögð á að finna hvar brýnast sé að bæta úr þjónustu en einnig hvernig hagkvæmast sé að samhæfa og samræma aðgerðir þeirra aðila sem að málaflokknum koma. Með aukinni þekkingu á eðli ofbeldis og afleiðingum þess hefur skýrari sýn fengist á vandann og mögulegar lausnir.

Ráðstefnan verður haldin fimmtudaginn 25. maí kl. 8:30–17:00 á Hótel Natura í Reykjavik og föstudaginn 26. maí kl. 9:00–12:00 á Háskólatorgi, fyrirlestrasal HT105 í Háskóla Íslands. Ráðstefnugjald er 5.000 kr. og innifelur hádegisverð á fimmtudeginum. Skráning fer fram hér.

Dagskrá:

Fimmtudagur

08.00 – 08.30   Innritun

08.30 – 08.40   Katrín Jakobsdóttir forsætisráðherra: Setningarávarp

08.40 – 09.10   Bert Groen, forseti European Family Justice Center Alliance: Developing and implementing a multidisciplinary approach to gender-based violence

09.10 – 09.40   Sérstaða íslensku þolendamiðstöðvanna

09.10 – 09.20   Jenný Kristín Valberg forstöðukona Bjarkarhlíðar: Framtíðarsýn Bjarkarhlíðar

09.20 - 09.30   Kolbrún Magnea Kristjánsdóttir, teymisstjóri Bjarmahlíðar: Þegar samfélagið stendur saman

09.30 – 09.40   Elísabet Lorange listmeðferðarfræðingur og meðferðarstýra Sigurhæða: Það er nógur tími   

09.40 – 10.05   Kristín Anna Hjálmarsdóttir kynjafræðingur: Íslenskar þolendamiðstöðvar, tækifæri og áskoranir framundan

10.05 – 10.25   Morgunkaffi

10.25 – 10.50   Arndís Soffía Sigurðardóttir sýslumaður og formaður starfshóps félags- og vinnumarkaðsráðuneytis um mótun tillagna um fyrirkomulag þjónustu vegna ofbeldis: Framtíðarskipan þjónustu vegna ofbeldis.

10.50 – 11.15   Ragna Bjarnadóttir skrifstofustjóri skrifstofu almanna- og réttaröryggis í dómsmálaráðuneytinu: Aðgerðir dómsmálaráðuneytis gegn kynbundnu ofbeldi

11.15 – 11.40   Sigríður Björk Guðjónsdóttir Ríkislögreglustjóri: Breytt nálgun lögreglu

11.40 – 12.05   Drífa Jónasdóttir sérfræðingur í heilbrigðisráðuneytinu: Heilbrigðisþjónusta við þolendur kynbundins ofbeldis

12.05 - 12.45   Matarhlé

12.45 – 13.10   Edda Björk Þórðardóttir sálfræðingur á geðsviði Landspítalans og lektor við læknadeild HÍ: Heilsufarslegar afleiðingar áfalla

13.10 – 13.35   Pascale Franck, framkvæmdastjóri EFJCA: Trauma-informed Care and Hope based theory and practice

13.35 – 14.00   Jóhanna Kristín Jónsdóttir, sálfræðingur SIGURHÆÐA: EMDR meðferð SIGURHÆÐA og árangur hennar.

14.00 – 15.00   Dr. Jane Monckton Smith, prófessor við Háskólann Gloucestershire: Masterclass: Coercive Control and the Homicide Timeline

15.00 – 15.20   Kaffihlé

15.20 – 16.20   Masterclass – framhald.

16.20  - 16.50   Fyrirspurnir - umræður

16.50 – 17.00   Slit á dagskrá dagsins

Föstudagur

09.00 – 12.00 

09.00 – 09.20   Heiða Björg Hilmisdóttir, formaður Sambands íslenskra sveitarfélaga: Þjónusta sveitarfélaga við þolendur kynbundins ofbeldis: Þarf hún að aukast?

09.20 – 09.40   Halldóra Dýrleifar Gunnardóttir sérfræðingur í jafnréttismálum á
Mannréttinda- og lýðræðisskrifstofu Reykjavíkurborgar: Saman gegn ofbeldi í Reykjavík

09.40  – 10.30   Bert Groen og Pascale Franck: The concept of coordination from the FJC perspective – Why, Who and How.

10.30 – 10.50   Kaffihlé

10.50 – 11.50   Bert Groen og Pascale Franck: Framhald

11.50 – 12.00   Hildur Jónsdóttir verkefnisstjóri Sigurhæða: Lokaorð

 


Mannréttindaskrifstofa Íslands

Mannréttindaskrifstofa Íslands var stofnuð í Almannagjá á Þingvöllum hinn 17. júní 1994, á fimmtíu ára afmæli íslenska lýðveldisins. Skrifstofan er óháð og vinnur að framgangi mannréttinda með því að stuðla að rannsóknum og fræðslu og efla umræðu um mannréttindi á Íslandi. 

Valmynd

Skráðu þig á póstlista MRSÍ

Skráðu þig og fáðu fréttir, upplýsingar um ný verkefni og fleira frá okkur.

Mannréttindaskrifstofa Íslands | Kt. 620794-2019

Túngata 14 | 101 Reykjavík | Sími 552 2720 | info[hjá]humanrights.is

Skrifstofan er opin frá 9-12 og 13-16