Áframhaldandi lögfræðiráðgjöf til innflytjenda, þeim að kostnaðarlausu.

Við undirritun samningsins 2016

Í gær, 25. maí 2016, undirrituðu Margrét Steinarsdóttir, framkvæmdastjóri MRSÍ, og Eygló Harðardóttir, félags- og húsnæðismálaráðherra, endurnýjun samnings við Velferðarráðuneytið um lögfræðiráðgjöf til innflytjenda, þeim að kostnaðarlausu. 

Á síðasta ári veitti Mannréttindaskrifstofan 528 viðtöl og heldur fjölgun viðtala áfram á milli ára. Innflytjendur óska helst eftir ráðgjöf vegna umsókna um dvalar- og atvinnuleyfi, þá einnig á sviði fjölskylduréttar, einkum vegna skilanaðar-, forsjár- og umgengnismála, en ýmis önnur mál koma einnig við sögu, svo sem ráðgjöf vegna húsnæðismála, fjárhagsörðugleika og annað sem varðar félagsleg réttindi innflytjenda.

Ráðgjafar skrifstofunnar finna fyrir mikilvægi þess að innflytjendur fái persónulega leiðsögn um réttindi sín og skyldur.