2014

Íslensk félagasamtök sem áhuga hafa á að vinna með búlgörskum samtökum geta sótt um styrki fyrir samstarfsverkefni, en umsóknarfrestur rennur út 14. febrúar nk.

Vegna mikilla anna á skrifstofunni láðist að gefa út fréttabréf skrifstofunnar í júní 2013 og seinkaði útgáfunni aðeins þennan veturinn. En nú er komið fréttabréf fyrir tímabilið nóvember 2012 til janúar 2014.

Fimmtudaginn 30. janúar kl. 12.00-13.00 munu Mannréttindaskrifstofa Íslands, Jafnréttisstofa og Fjölmenningarsetur, styrkt af Progress áætlun Evrópusambandsins, standa fyrir málþingi um margbreytileika samfélagsins.

Þessa dagana stendur yfir auglýsingaherferð skrifstofunnar gegn mismunun. Í ár bættum við við svokölluðum vefborðum sem eru auglýsingar sem að birtast á netmiðlum ásamt því að vera með auglýsingar í útvarpi.

Velferðarvaktin stendur fyrir málþingi 17. janúar næstkomandi um margbreytileika fjölskyldugerða þar sem meðal annars verður rætt hvernig börn við ólíkar aðstæður skilgreina fjölskyldur sínar og hvort opinber fjölskyldustefna taki mið af fjölbreytilegum fjölskylduformum. Skráning á málþingið fer fram á vef velferðarráðuneytisins.

Mannréttindaskrifstofa í samstarfi við Utanríkisráð, Jafnréttisstofu, Félag Sameinuðu þjóðanna á Íslandi og Rauða kross Íslands stóð fyrir málþingi sem lokaþátt 16 daga átaks gegn kynbundnu ofbeldi 2013. Yfirskrift málþingsins var Framlag íslenskra kvenna og stjórnvalda til friðaruppbyggingar á stríðsátakasvæðum. Fundarstýra var Kristín Ástgeirsdóttir, framkvæmdastýra Jafnréttisstofu.

Í byrjun nóvember 2013 tók fulltrúi MRSÍ þátt í þremur ráðstefnum sem allar fjölluðu um hatursræðu, bæði á netinu og utan þess, og hvernig hægt er að stemma stigu við henni.