Umsögn MRSÍ um frumvarp til laga um útlendinga

Mannréttindaskrifstofu Íslands (MRSÍ) hefur borist ofangreint frumvarp til umsagnar, en frumvarpið er samið á vegum innanríkisráðuneytisins og þverpólitískrar þingmannanefndar um málefni útlendinga og felur í sér heildarendurskoðun á gildandi lögum um útlendinga, nr. 96/2002. MRSÍ fagnar frumvarpi þessu og lýsir eindreginni ánægju með mörg þau nýmæli sem þar er að finna. Einkum skulu tilgreind þau nýmæli að réttindasöfnun til búsetuleyfis verði bundin útlendingi en ekki dvalarleyfi, að takmarka skuli hvenær refsa megi umsækjendum um alþjóðlega vernd vegna ólöglegrar komu og/eða falsaðra skilríkja, að sett verði á laggirnar móttökumiðstöð þar sem leitast verði við að greina þá sem eru í sérstaklega viðkvæmri stöðu og sérþarfir þeirra og sú aukna áhersla sem lögð er á réttindi barna og umbætur, þ.á m. vegna fylgdarlausra barna.

Umsögnina í heild sinni má lesa hér.