Mynd 1 af 2

« Fyrri Næsta »

1 2

Mannréttindi í þrengingum: Efnahagsleg og félagsleg réttindi í kreppunni

eftir Aðalheiði Ámundadóttur og Rachael Lorna Johnstone

Smellið á hlekk fyrir neðan fyrir pdf útgáfu af

Mannréttindi í þrengingum: Efnahagsleg og félagsleg réttindi í kreppunni

Bókin sjálf fæst endurgjaldslaust á skrifstofu Mannréttindaskrifstofu.

Úr fréttatilkynningu um útgáfu bókarinnar:

Föstudaginn 20. maí 2011 var útgáfu bókarinnar Mannréttindi í þrengingum - Efnahagsleg og félagsleg réttindi í kreppunni eftir Aðalheiði Ámundadóttur og Rachael Lorna Johnstone fagnað með málþingi undir sama nafni. Málþingið var haldið í Háskólanum á Akureyri.

Dagskrá:
12:00 Hádegismatur
12:30 Margrét Steinarsdóttir, framkvæmdastjóri Mannréttindaskrifstofu Íslands, setur málþingið
12:35 Rachael Lorna Johnstone, höfundur
12:45 Aðalheiður Ámundadóttir, höfundur Ritdómar
13:00 Ragnar Aðalsteinsson, hrl
13:15 Kristín Ástgeirsdóttir, framkvæmdastjóri Jafnréttisstofu
13:30 Halla Gunnarsdóttir, aðstoðarmaður innanríkisráðherra
13:45 Umræður
14:30 Lok málstofu

Fundarstjóri: Sigurður Kristinsson, forseti hug– og félagsvísindasviðs.

Hlusta má á upptöku frá málstofunni með því að smella hér.

Texti aftan á bókarkápu

Samningurinn um efnahagsleg, félagsleg og menningarleg réttindi var fullgiltur af Alþingi þann 22. ágúst 1979. Samningurinn er bindandi fyrir íslenska ríkið og leggur tafarlausar skyldur á herðar þess, meðal annars til að tryggja öllum menntun, heilbrigðisþjónustu og félagslegt öryggi. Hin djúpa efnahagslægð sem fylgdi í kjölfar hruns bankanna haustið 2008 hefur orsakað aukið atvinnuleysi, erfiða og aukna skuldabyrði og hækkun vöruverðs sem veldur því að fólk á erfiðara með að tryggja sjálft rétt sinn til atvinnu, sómasamlegs lífsviðurværis, og félagslegs öryggis. Á sama tíma veldur efnahagssamdrátturinn því að hagræða þarf og skera niður í mennta-, heilbrigðis- og velferðarkerfinu. Tilgangur bókarinnar er að upplýsa bæði stjórnvöld og almenning um efnahagsleg, félagsleg og menningarleg réttindi og nauðsyn þess að þau séu virt bæði þegar vel árar og ekki síður á erfiðum samdráttarskeiðum. Í bókinni er bent á leiðir til að tryggja þessi mikilvægu mannréttindi í erfiðu árferði. Fjallað er sérstaklega um réttindi tengd vinnu, rétt til félagslegs öryggis og rétt til menntunar, en þær áherslur sem byggt er á eiga jafnt við um öll efnahagsleg, félagsleg og menningarleg réttindi.