145. löggjafarþing 2015 - 2016

Mannréttindaskrifstofan er með öllu sammála því að breyta eigi vinnudeginum í 7 dagvinnustundir í stað 8. Það hefur margsannað sig, líkt og bent er á í greinargerð með frumvarpinu, að ekki er samasemmerki á milli langs vinnudags og meiri framleiðni. Þvert á móti bendir margt til þess að styttri vinnudagur leiði til meiri framleiðni og aukinna lífsgæða. Fagnar skrifstofan því framlögðu frumvarpi.

Með frumvarpinu er miðað að því að fullgilda samning Evrópuráðsins um að koma í veg fyrir og berjast gegn ofbeldi gagnvart konum og heimilisofbeldi, svokallaðan Istanbúlsamning, sem íslensk stjórnvöld undirrituðu 2011. MRSÍ styður frumvarpið og fagnar því að varpa eigi sterkara ljósi á að ofbeldisbrot eru alvarlegri ef tengsl geranda við þolanda er náið, heldur en almennt er um ofbeldisbrot. Umsögnina í heild sinni má lesa hér.

Mannréttindaskrifstofu Íslands (MRSÍ) hefur borist til umsagnar ofangreint frumvarp til laga um almennar íbúðir. Með frumvarpinu er stuðlað að bættu húsnæðisöryggi efnaminni fjölskyldna og einstaklinga með því að auka aðgengi að öruggu og viðeigandi húsnæði í samræmi við greiðslugetu þeirra.

Mannréttindaskrifstofu Íslands (MRSÍ) hefur borist til umsagnar ofangreint frumvarp til laga um húsnæðisbætur. Með frumvarpinu er lagt til að í stað núgildandi húsaleigubótakerfis komi nýtt húsnæðisbótakerfi með auknum stuðningi við efnaminna fólk.

Með frumvarpinu er lagðar til breytingar á veitingu gjafsóknar, hver fer með ákvörðunartöku um veitingu hennar auk breytinga á skilyrðum fyrir gjafsókn.

Umsögn um tillögu til þingsályktunar um stefnu og aðgerðaáætlun í geðheilbrigðismálum til fjögurra ára, 145. löggjafarþing 2015 -2016. Þingskjal nr. 405 – 338. mál.

Umsögn um frumvarp til laga um fullnustu refsinga, 145. löggjafarþing 2015 -2016. Þingskjal nr. 399 – 322. mál.

Umsögn um breytingu á almennum hegningarlögum, nr. 19/1940 (bann við hefndarklámi), 145. löggjafarþing 2015-2016. Þingskjal nr. 11 -11. mál.

Umsögn um frumvarp til laga um staðgöngumæðrun í velgjörðarskyni, 145. löggjafarþing 2015-2016. Þingskjal nr. 245 – 229. mál.

Umsögn um frumvarp til laga um breytingu á lögum um almannatryggingar nr. 100/2007. Lagt fyrir á 145. löggjafarþing 2014 -2015. Þingskjal nr. 3 – 3. mál.