Evrópuvika gegn kynþáttamisrétti 2008

Fjölbreytt dagskrá í Smáralind 21. mars

Á Íslandi tóku X-Factor, Mannréttindaskrifstofan, Alþjóðahús, Amnesty International, Þjóðkirkjan, Rauði krossinn, Ísland Panorama, Soka Gakkai Íslandi og Jafningjafræðsla Hins hússins höndum saman um dagskrá í Smáralind 21. mars kl 17:00.

P10100161

Keppendur X-factor tóku nokkur velvalin lög við góðar undirtektir Smáralindargesta og á annað hundrað krakka sem sérstaklega voru komin frá hinum ýmsu ungmennahreyfingum til að taka þátt í uppákomunni.

P1010003

Krakkarnir voru komnir til að vinna gegn fordómum en þau spjölluðu við gesti og gangandi um kynþáttamisrétti og gáfu plaköt, sælgæti og barmmerki.

Krakkarnir klæddust öll bolum þar sem varpað var fram spurningunnni ,,dæmir þú fólk eftir útlitinu?" oghöfðu málað andlit sín í öllum regnbogans litum til að vekja fólk til umhugsunar um það hvort við dæmum fólk eftir útliti þess eða litarafti frekar en verðleikum.

rasismi6

Viðrburðurinn var afar velheppnaður í alla staði. Krakkarnir stóðu sig með mikilli prýði og skemmtu sér konunglega en Mannréttindaskrifstofan kann þeim miklar þakkir fyrir ánægjulegt samstarf.  

Aðstandendur viðburðarins vilja einnig þakka X-factor, Smáralind, Merkingu og EP kerfum fyrir frábærar viðtökur og mikilvægan stuðning.

 

Sjá myndir hér.

Mannréttindaskrifstofa Íslands

Mannréttindaskrifstofa Íslands var stofnuð í Almannagjá á Þingvöllum hinn 17. júní 1994, á fimmtíu ára afmæli íslenska lýðveldisins. Skrifstofan er óháð og vinnur að framgangi mannréttinda með því að stuðla að rannsóknum og fræðslu og efla umræðu um mannréttindi á Íslandi. 

Valmynd

Skráðu þig á póstlista MRSÍ

Skráðu þig og fáðu fréttir, upplýsingar um ný verkefni og fleira frá okkur.

Mannréttindaskrifstofa Íslands | Kt. 620794-2019

Túngata 14 | 101 Reykjavík | Sími 552 2720 | info[hjá]humanrights.is

Skrifstofan er opin frá 9-12 og 13-16