Íslendingar hætti við Eurovision

Stjórnvöld í Aserbaídsjan eru sökuð um mannréttindabrot við undirbúning Söngvakeppni evrópskar sjónvarpsstöðva. Framkvæmdastjóri Mannréttindaskrifstofu Íslands segir að Íslendingar ættu að íhuga að hætta við þátttöku í keppninni.

Borgarstjórnin í Bakú, höfuðborg landsins, er sökuð um að hafa þvingað hundruð íbúa út af heimilum sínum og jafnað hús þeirra við jörðu, meðal annars til að byggja Kristalhöllina þar sem söngvakeppnin fer fram. Margrét Steinarsdóttir, framkvæmdastjóri Mannréttindaskrifstofu Íslands, segir að Aserbaídsjan hafi skrifað undir samning Sameinuðu þjóðanna um efnahagsleg, félagsleg og menningarleg réttindi, þar á meðal réttindi til húsnæðis.

„Í raun ættu íslensk stjórnvöld að íhuga það mjög alvarlega, eins og önnur ríki, að hætta við þátttöku. Þrýstingur frá alþjóðasamfélaginu hlýtur að virka best. Þetta byrjaði á síðasta ári. Þá var m.a. jafnað við jörðu hús sem baráttukona fyrir mannréttindum átti. Í húsinu voru þrenn samtök; kvennaathvarf, samtök sem berjast fyrir afnámi jarðsprengja og friðar- og lýðræðissamtök. Nú er komið í hámæli hvernig stjórnvöld í Aserbaídsjan  standa að málum. Hvers vegna ætti þá ekki að velta því mjög alvarlega fyrir sér hvort taka eigi þátt í söngvakeppninni, eftir að staðið hafi verið svona að undirbúningi hennar,“ segir Margrét, en hún var í viðtali við Morgunútvarp Rásar 2 í morgun.

Lesa má fréttina á ruv.is hér; http://ruv.is/frett/islendingar-haetti-vid-eurovision


Mannréttindaskrifstofa Íslands

Mannréttindaskrifstofa Íslands var stofnuð í Almannagjá á Þingvöllum hinn 17. júní 1994, á fimmtíu ára afmæli íslenska lýðveldisins. Skrifstofan er óháð og vinnur að framgangi mannréttinda með því að stuðla að rannsóknum og fræðslu og efla umræðu um mannréttindi á Íslandi. 

Valmynd

Skráðu þig á póstlista MRSÍ

Skráðu þig og fáðu fréttir, upplýsingar um ný verkefni og fleira frá okkur.

Mannréttindaskrifstofa Íslands | Kt. 620794-2019

Túngata 14 | 101 Reykjavík | Sími 552 2720 | info[hjá]humanrights.is

Skrifstofan er opin frá 9-12 og 13-16