Hvað hyggst þinn flokkur gera í málefnum innflytjenda?

Hvað hyggst þinn flokkur gera í málefnum innflytjenda?
Morgunfundur í Gerðubergi

Morgunfundur með frambjóðendum til Alþingis verður haldinn miðvikudaginn 12. október kl. 8.30 – 10.00 í Menningarhúsinu Gerðubergi. 

Vinsamlega skráið þátttöku fyrirfram með tölvupósti á teymið@gmail.com. 
Enginn aðgangseyrir og frítt kaffi. Meðlæti á vægu verði er í boði á kaffihúsinu. 

Dagskrá:

Fundarstjórn og ávarp fyrir hönd Teymis um málefni innflytjenda: Hallfríður Þórarinsdóttir frá MIRRA. 

Hver og einn frambjóðandi mun halda stutt erindi og svara eftirfarandi spurningum: 

1. Hvað hyggst þinn flokkur gera varðandi félagsleg undirboð og skattaundanskot sem tengjast erlendum starfsmönnum á íslenskum vinnumarkaði? Hvaða verkefni eru brýnust í því samhengi og hvers vegna?
2. Hver er ábyrgð yfirvalda varðandi gagnkvæma aðlögun? Hvernig á að tryggja gagnkvæma aðlögun til langs tíma? Hvað er mikilvægast í því sambandi? 
3. Hvert er hlutverk og ábyrgð stjórnmálaafla í samfélagslegri orðræðu um innflytjendur og vaxandi fjölbreytni í íslensku samfélagi? 

Að erindi loknu verður opnað fyrir spurningar úr sal.

Fundurinn er haldinn á vegum Teymis um málefni innflytjenda, sem er samráðsvettvangur stofnana ríkis og sveitarfélaga, fyrirtækja og frjálsra félagasamtaka sem vinna að málefnum innflytjenda og hefur starfað síðan 1995. 

Notum tækifærið til að koma málefnum innflytjenda og fjölbreytileikans á dagskrá komandi kosninga!

Slóð á facebook síðu viðburðarins er: https://www.facebook.com/events/682486718596073/ 


Mannréttindaskrifstofa Íslands

Mannréttindaskrifstofa Íslands var stofnuð í Almannagjá á Þingvöllum hinn 17. júní 1994, á fimmtíu ára afmæli íslenska lýðveldisins. Skrifstofan er óháð og vinnur að framgangi mannréttinda með því að stuðla að rannsóknum og fræðslu og efla umræðu um mannréttindi á Íslandi. 

Valmynd

Skráðu þig á póstlista MRSÍ

Skráðu þig og fáðu fréttir, upplýsingar um ný verkefni og fleira frá okkur.

Mannréttindaskrifstofa Íslands | Kt. 620794-2019

Túngata 14 | 101 Reykjavík | Sími 552 2720 | info[hjá]humanrights.is

Skrifstofan er opin frá 9-12 og 13-16