Endurnýjun samnings um lögfræðiráðgjöf fyrir innflytjendur

Endurnýjun samnings um lögfræðiráðgjöf fyrir innflytjendur
Lögfræðiþjónusta fyrir innflytjendur

Mannréttindaskrifstofa Íslands fagnar endurnýjun samnings við Velferðarráðuneytið um lögfræðiráðgjöf til innflytjenda. Samningurinn var undirritaður í gær, 11. apríl, af Þorsteini Víglundssyni, félags- og jafnréttisráðherra, og Margréti Steinarsdóttur, framkvæmdastjóra Mannréttindaskrifstofu Íslands.

MRSÍ hefur um árabil annast slíka ráðgjöf, innflytjendum að kostnaðarlausu, á grundvelli samnings við velferðarráðuneytið. Fengin reynsla sýnir að veruleg þörf er fyrir þessa þjónustu. Ráðgjafarviðtöl á síðasta ári voru 544 og má því sjá talsverða aukningu á milli ára. Viðtölin voru ýmist veitt á skrifstofu MRSÍ eða í gegnum síma. Mest er óskað eftir ráðgjöf vegna umsókna um dvalar- og atvinnuleyfi og varðandi  fjölskyldurétt, einkum vegna skilnaðar- forsjár- og umgengnismála, en ýmis önnur mál koma einnig við sögu, svo sem ráðgjöf og ýmis önnur mál sem snúa að félagslegum réttindum innflytjenda.

Lögfræðiráðgjöfin er veitt í húsnæði skrifstofunnar, Túngötu 14, á þriðjudögum kl. 14-19 og á föstudögum kl. 9-14. Tekið er við tímapöntunum í síma 552-2720 eða í tölvupósti: info@humanrights.is.


Mannréttindaskrifstofa Íslands

Mannréttindaskrifstofa Íslands var stofnuð í Almannagjá á Þingvöllum hinn 17. júní 1994, á fimmtíu ára afmæli íslenska lýðveldisins. Skrifstofan er óháð og vinnur að framgangi mannréttinda með því að stuðla að rannsóknum og fræðslu og efla umræðu um mannréttindi á Íslandi. 

Valmynd

Skráðu þig á póstlista MRSÍ

Skráðu þig og fáðu fréttir, upplýsingar um ný verkefni og fleira frá okkur.

Mannréttindaskrifstofa Íslands | Kt. 620794-2019

Túngata 14 | 101 Reykjavík | Sími 552 2720 | info[hjá]humanrights.is

Skrifstofan er opin frá 9-12 og 13-16