Alþjóðadagur til samstöðu Palestínubúum - Opinn fundur með Dr. Mustafa Barghouthi

Á morgun, fimmtudaginn 29. nóvember, er alþjóðadagur Sameinuðu þjóðanna til samstöðu Palestínubúum. Þennan sama dag árið 1947 var ályktun um skiptingu Palestínu, í land gyðinga annars vegar og land Palestínuaraba hins vegar, samþykkt. Jafnframt er á morgun eitt ár liðið síðan Ísland var fyrst vestrænna ríkja til að viðurkenna Palestínu sem sjálfstætt ríki.

Í tilefni dagsins verður opinn fundur með Dr. Mustafa Barghouthi klukkan 17:00 í Hátíðarsal Háskóla Íslands, en Dr. Barghouthi hefur lengi verið í fararbroddi talsmanna fyrir mannréttindum palestínsku þjóðarinnar. Meira um fundinn má sjá hér.

Einnig verður félagið Ísland-Palestína með hátíðardagskrá í Hótel Borg um kvöldið, en félagið fagnar jafnframt 25. ára afmæli sínu þennan dag. Hér má sjá dagskrá kvöldsins.


Mannréttindaskrifstofa Íslands

Mannréttindaskrifstofa Íslands var stofnuð í Almannagjá á Þingvöllum hinn 17. júní 1994, á fimmtíu ára afmæli íslenska lýðveldisins. Skrifstofan er óháð og vinnur að framgangi mannréttinda með því að stuðla að rannsóknum og fræðslu og efla umræðu um mannréttindi á Íslandi. 

Valmynd

Skráðu þig á póstlista MRSÍ

Skráðu þig og fáðu fréttir, upplýsingar um ný verkefni og fleira frá okkur.

Mannréttindaskrifstofa Íslands | Kt. 620794-2019

Túngata 14 | 101 Reykjavík | Sími 552 2720 | info[hjá]humanrights.is

Skrifstofan er opin frá 9-12 og 13-16