Flýtilyklar
Viðburðir í Evrópuvikunni
Mannréttindaskrifstofa Íslands stendur fyrir þremur viðburður í vikunni í ár í samstarfi við AFS á Íslandi, Bandalag íslenskra skáta, Evrópustofu, Landssamband æskulýðsfélaga, Mannréttindaskrifstofu Reykjavíkurborgar, Rauða krossinn, Reykjavíkurborg og Ungliðahreyfing Rauða krossins.
Hönd í hönd. Þann 17. mars kl. 11 að morgni, munu nemendur og starfsfólk yfir 20 grunnskóla um allt land, takast hönd í hönd í hringum skólabyggingar sínar til að sýna samstöðu með margbreytileika.
Póstkortaverkefni. Ýmsir hópar ungs fólks hafa skrifað 1000 póstkort og verða þau send til handahófsvalinna viðtakenda í Evrópuvikunni.Skilaboðin eru skrifuð sem hvatning til samstöðu gegn kynþáttafordómum og er viðtakendum boðið að taka þátt í þeirri samstöðu með því að taka mynd af sér með skilaboðunum undir millumerkinu #hondihond.
Málþing –Fordómar og kynþáttamisrétti á Íslandi. 21. mars kl. 13 – 15. Tjarnarsalur Ráðhúss Reykjavíkur. Á málþinginu verður kynþáttamisrétti rætt frá ýmsum sjónarhornum. Tove Søvndahl Gant talar um hvaða aðferðum hefur verið beitt á móti kynþáttamisrétti í Evrópu, Cynthia Trililani, Patrycja Wittstock Einarsdóttir, Þórdís Nadía Óskarsdóttir og Einar Már Guðmundsson tala um fordóma á Íslandi og Ólafía Rafnsdóttir talar um stöðu mála á vinnumarkaði á Íslandi. Aðgangur er ókeypis og verður boðið upp á léttar veitingar