Flýtilyklar
Söguhringur kvenna út á sjó – velkomnar um borð!
Söguhringur kvenna út á sjó – velkomnar um borð!
Sjóminjasafnið
Laugardag 7. maí kl. 13.30-16.30
Þátttaka er ókeypis
Langar þig að víkka út sjóndeildarhringinn?
Lífið er ferðalag, bæði andlegt og landfræðilegt. *Söguhringur kvenna er vettvangur fyrir konur sem hafa áhuga á að deila menningarlegum bakgrunni sínum með öðrum, skapa saman og spjalla. Laugardaginn 7. maí eru allar konur boðnar á sýningu Sjóminjasafnsins og í kaffi um borð í varðskipið Óðin. Þátttaka er ókeypis.
Menningarlegt landslag hefur áhrif á tilvist okkar og hugsunarhátt. Sú staðreynd að Ísland er eyja umkringd víðáttumiklu hafi, langt frá annarri byggð hefur mikil áhrif á það hvernig þjóðfélag og menning okkar hefur þróast í áranna rás. En hvers konar áhrif hefur landfræðileg einangrun og ofsafengin veðráttan haft á okkur sem einstaklinga og sem þjóðfélag? Og hvernig hafa landfræðileg áhrif mótað aðrar þjóðir?
Við byrjum á að ganga um sýningar Sjóminjasafnsins, förum síðan í leik þar sem við veltum fyrir okkur orðum á mismunandi tungumálum yfir ýmsa hluti sem tengdir eru sjávarútvegi. Einnig kíkjum við á sýningu sem fjallar um sjósókn kvenna frá upphafi landnáms til dagsins í dag. Við munum enda ferðina út á sjó, nánar tiltekið um borð í varðskipinu Óðni. Kannaðir verða krókar og kimar skipsins en vistarverur þess eru sannkallað augnakonfekt. Punkturinn yfir i-ið er síðan kaffisamsæti í matsal skipsins.
Við hittumst í anddyri Sjóminjasafnsins kl. 13:30.
Allar konur velkomnar og aðgangur er ókeypis.
Söguhringur kvenna er samstarfsverkefni Borgarbókasafnsins og Samtaka kvenna af erlendum uppruna og er opinn öllum konum, íslenskar sem erlendar, sem hafa áhuga á að hittast, fara í listræn ævintýri með öðrum konum eða, eins á þessum degi, að fá innlit í eitthvað nýtt!
Nánari upplýsingar veita:
Kristín R. Vilhjálmsdóttir, verkefnastjóri hjá Borgarbókasafninu
Netfang: kristin.r.vilhjalmsdottir@reykjavik.is
Sími: 411 6122 / 618 1420
Íris Gyða Guðbjargardóttir, sérfræðingur hjá Borgarsögusafni
Netfang:iris.gyda.gudbjargardottir@reykjavik.is
Sími: 411 6355