Flýtilyklar
Söguhringur kvenna hefst á ný
Söguhringur kvenna hefst á ný
Kynningaruppákoma fyrir haustdagskrá á sunnudaginn
Sunnudaginn 2. september kl. 14:00-15:30 í Borgarbókasafninu, menningarhúsi Grófinni, verður sérstök kynningaruppákoma á Söguhringi kvenna þar sem hægt er að fræðast nánar um dagskrá haustsins. Allar konur eru velkomnar sem hafa áhuga á að kynnast starfseminni nánar og kynnast öðrum konum í skapandi umhverfi. Múltíkúltíkórinn — Fjölþjóðlegur sönghópur kvenna, mun gleðja gesti með því að syngja nokkur lög á mismunandi tungumálum undir stjórn Margrétar Pálsdóttur og verða léttar veitingar í boði.
Í haust verður dagskráin einstaklega fjölbreytt og koma ýmsar listgreinar og tjáningarform við sögu. Meðal annars verður boðið upp á leshring, leiklistar- og spunasmiðjur og tónlistarsmiðjur svo allar konur ættu að geta fundið eitthvað við sitt hæfi. Dagskrána í heild sinni má sjá hér á íslensku og hér á ensku.
Söguhringur kvenna er vettvangur fyrir konur til að hittast, kynnast og tengjast. Hér notum við listræna sköpun til að segja frá reynsluheimi okkar auk þess sem boðið er upp á ýmis konar fræðslu um menninguna og samfélagið sem við búum í. Söguhringurinn hefur verið starfandi í 10 ár og öllum konum er velkomið að taka þátt hvenær sem er.
Söguhringur kvenna er samvinnuverkefni Borgarbókasafns Reykjavíkur og W.O.M.E.N., Samtaka kvenna af erlendum uppruna á Íslandi. Dagskrá haustsins 2018 er styrkt af velferðarráðuneytinu.
Söguhringur kvenna er einnig á Facebook: https://www.facebook.com/soguhringur/
Sjá nánar um Söguhring kvenna á vefsíðunum www.borgarbokasafn.is og www.womeniniceland.is
Nánari upplýsingar veita
Shelagh Smith, Samtök kvenna af erlenum uppruna á Íslandi
shelagh@womeniniceland.is
s:6963041
Kristín R. Vilhjálmsdóttir, verkefnastjóri fjölmenningar á Borgarbókasafninu
kristin.r.vilhjalmsdottir@reykjavik.is
s:6181420