Evrópuvika gegn kynþáttamisrétti 2015

Evrópuvika gegn kynþáttamisrétti verður dagana 14.-21.mars næstkomandi en Mannréttindaskrifstofa Íslands heldur utan um skipulagningu hennar í samstarfi við Evrópustofu, Rauða Kross Íslands, AFS, LÆF, URKÍ, Skátana, Mannréttindaskrifstofu Reykjavíkur og Reykjavíkurborg.

Evrópuvikan gegn kynþáttamisrétti hverfist um alþjóðadag gegn kynþáttamisrétti og miðar að því að uppræta þröngsýni, fordóma og þjóðernishyggju í Evrópu. Markmiðið er að byggja Evrópusamfélag víðsýni og samkenndar þar sem allir eru jafnir, óháð útliti og uppruna.

Yfirskrift vikunnar í ár er 'Hönd í hönd' en ýmiss verkefni og viðburðir eru á dagskrá og allar upplýsingar má nálgast á facebooksíðu vikunnar hér.
Einnig má finna frekari upplýsingar um Evrópuvikuna og viðburði fyrri ára á síðu Mannréttindaskrifstofunnar hér.