Norræn ráðstefna um jafnréttisfræðslu í skólum

Grand Hótel Reykjavík 21. og 22. september 2009

16.6.2009

Opin ráðstefna fyrir alla sem vilja fræðast um jafnréttisfræðslu og jafnréttisstarf

í skólum og sækjast eftir innblæstri til góðra verka á því sviði.

Á ráðstefnunni verða fyrirmyndarverkefni frá öllum Norðurlöndunum kynnt og farið yfir

stöðu mála í Evrópu á sviði jafnréttisstarfs í skólum. Ráðstefnan sem er öllum opin er kjörinn

vettvangur fyrir skólafólk, foreldra, fræðimenn, stjórnmálamenn og alla þá sem vilja fræðast

um jafnrétti í námi og starfi.

Auk fyrirlesara frá öllum Norðurlöndunum verða lykilfyrirlesarar:

? Mike Younger, deildarforseti kennaradeildar Cambridge-háskóla. Younger hefur sérhæft sig

í rannsóknum á sviði kynjajafnréttis og grunnmenntunar kennara, en hann var meðal

annars annar af forvígismönnum rannsóknarverkefnisins Raising Boys‘ Achievement sem

miðaði að því að finna leiðir til að bæta frammistöðu drengja í skólum.

? Eva Nyström, lektor við Umeå háskóla í Svíþjóð. Eva hefur meðal annars tekið þátt í stóru

rannsóknarverkefni sem miðar að því að auka áhuga nemenda í sænskum framhaldsskólum

og bæta námsárangur þeirra.

? Ingólfur Ásgeir Jóhannesson, prófessor við Háskólann á Akureyri. Ingólfur hefur tekið þátt í

fjölda rannsókna á sviði menntaumbóta og kynjafræða.

Ráðstefnan hefst að kvöldi 21. september en hún fer fram á norðurlandamálum og verður

túlkuð.

Ráðstefnan er á vegum Norrænu ráðherranefndarinnar, en Ísland gegnir formennsku í nefndinni

þetta árið. Félags- og tryggingamálaráðuneytið og menntamálaráðuneytið sjá um framkvæmd

ráðstefnunnar en umsjón með undirbúningi hefur Jafnréttisstofa. Nánari upplýsingar veitir

Jafnréttisstofa, með tölvupósti á netfangið jafnretti@jafnretti.is og í síma 460 6200.

Skráning er á heimasíðunni http://formennska2009.jafnretti.is