Velheppnað málþing um kvennasáttmála S.þ.

Fögur fyrirheit, Kvennasáttmáli Sameinuðu þjóðanna í 30 ár

31.3.2009

Þann 27.mars síðastliðinn var haldið málþing í tilefni af því að í ár er kvennasamningur Sameinuðu þjóðanna 30 ára. Málþingið var haldið í Gyllta salnum á Hótel Borg og stóð frá 14:00-16:00, en fjölmörg samtök komu að undirbúningi málþingsins en þau voru auk Mannréttindaskrifstofu, Rikk, Unifem, Stígamót, Jafnréttisstofa, Femínistafélag Íslands, Kvennaathvarf, Jafnréttisráð og kvenréttindafélag Íslands.

Gréta Gunnarsdóttir, sviðsstjóri alþjóða- og öryggissviðs í utanríkisráðuneytinu var fundarstjóri. Kristín Ástgeirsdóttir, framkvæmdastýra Jafnréttisstofu hélt fyrirlestur um Kvennasáttmála Sameinuðu þjóðanna: Sátt um samfélagsbreytingar. Guðrún Dögg Guðmundsdóttir, framkvæmdastjóri Mannréttindaskrifstofu Íslands fjallaði um Skuggaskýrslur og aðhaldshlutverk frjálsra félagasamtaka. Rachael Lorne Johnstone, lektor í lögfræði við Háskólann á Akureyri hélt fyrirlesturinn Going Private: State responsibility for domestic violence under the CEDAW. Að lokum sýndi Steinunn Gyðu- og Guðjónsdóttir, framkvæmdastýra UNIFEM á Íslandi skemmtilega myndasýningu sem bar heitið, Hvers vegna þarf kvennasáttmála?, þar sem að ákvæði sáttmálans voru tengd myndum af konum víðsvegar um heiminn.

Eftir fyrirlestrana var tími fyrir spurningar úr sal. Málþingið var opið öllum og var ánægjulegt hversu velsótt það var.

Senda grein